جۆ بایدن سەرۆكی ولایەتە یەكگرتووەكانی ئەمریكا ئامادەیی دەربڕی بۆ چاوپێكەوتن لەگەڵ كیم جۆنگ ئون سەركردەی كۆریای باكور، بە مەرجی ئەوەی رەزامەند بێت بە داماڵینی وڵاتەكەی لە چەكی ئەتۆمی.
دوای پەیوەندییەكی تەلەفۆنی لەگەڵ كیم جۆنگ ئون، سەرۆكی ئەمریكا لە كۆنگرەیەكی رۆژنامەوانیدا وتی، ئەگەر كۆریای باكور پابەند بێت بە هەندێك لە كاروبارەكانەوە ئەوا ئامادەین چاومان پێی بكەوێت.
بایدن باسی لەوەشكرد، گفتوگۆكان دەربارەی چەكە ئەتۆمییەكانیەتی و ئەو چاوپێكەوتنەش تەنها هۆكارێكە بۆ كەمكردنەوەی گرژییەكان، پابەندبون بە كەمكردنەوەی گرژییەكان پێش هەر چاوپێكەوانێكە.
پێشتریش جین ساكی وتەبێژی كۆشكی سپی ئەمریكا باسی لەوەكردبوو، ئامادەن رێچكەی دیپلۆماسی بگرنە بەر، ئەویش تەنها كاتێك ئەگەر رێگەیەك بێت بۆ داماڵینی چەكی ئەتۆمی لە كۆریای باكور.
