گەریلاكانی هەپەگە بڵاویانكردەوە، رۆژی هەینی لە چالاكییەكدا لە ناوچەی ئاڤاشین 7 سەربازی سوپای توركیایان كوشتووە.
ماڵپەڕی فورات نیوزی نزیك لە پارتی كرێكارانی كوردستان بڵاویكردووەتەوە، رۆژی هەینی 21ی ئایاری 2021 گەریلاكانی ئەو حزبە لەسەر شاخی كۆنفرانس لە ناوچەی ئاڤاشین سەربە پارێزگای دهۆك چالاكییەكیان لە دژی یەكەی تایبەتی سوپای توركیا ئەنجام داوە.
رونیشكراوەتەوە، لە هێرشەكەدا 6 ئەندامی سوپای توركیا كوژراون، بەڵام بەپێی زانیارییەكان ژمارەی سەربازە كوژراوەكان بەرز بوونەتەوە بۆ 7 سەرباز.
ماوەی چەند مانگێكە سوپای توركیا چەند هێرشێكی بۆ سەر سنورەكانی هەرێمی كوردستان دژی پارتی كرێكارانی كوردستان دەست پێ كردووە، بەڵام لەلایەن گەریلاكانی پەكەكەوە بە توندی بەرپەرچ درانەوە و تائێستاش هەردوولا دەیان كوژراویان لە یەكتری راگەیاندووە.
