“به‌منزیكانه‌ بودجه‌ بۆ پڕۆژەی دووسایدی نێوان پارێزگاکان خەرج دەکرێت”

وەزیری ئاوەدانکردنەوە و نیشتەجێکردن رایدەگەیەنێت، “زۆربەی پڕۆژەی دووسایدی نێوان شارەکان هی ساڵانی پێشوترن و کارکردن تێیاندا وەستابوو، بەڵام لە ئایندەیەکی نزیکدا بودجەی ساڵی (2021) بۆ پڕۆژەکان خەرجدەکرێت و هەموو هەوڵێکمان ئەوەیە لە تەمەنی ئەو کابینەیەدا پڕۆژەکان تەواو ببن.

دانا عەبدولکەریم، وەزیری ئاوەدانکردنەوە و نیشتەجێکردنی هەرێم رایگەیاند: زۆربەی پڕۆژەی دوسایدی نێوان پارێزگاکان گرێبەستەکانیان هی ساڵانی (2010، 2011 و 2012)ن، کە دەبوو چەند ساڵێک پێشتر تەواو کرابان، بەڵام وەستابوون.
رونیشیكردۆته‌وه‌، لەگەڵ دەستبەکاربونمان هەمو هەوڵێکماندا بۆ دەستپێکردنەوەی پڕۆژەکان بوو، توانیشمان کارکردن لەو پڕۆژانە دەستپێبکەینەوە و ساڵی رابردوو بەشێک بودجەیان بۆ خەرجکراو ئەمساڵیش بەشێکی دیکەی بودجەی ئەو پڕۆژانە خەرجدەکرێت و لە ئایندەیەکی نزیکدا بودجەی پێویستیان بۆ تەرخاندەکرێت.
وەزیری ئاوەدانکردنەوە جەختیشیكردۆته‌وه‌، ئیشکردن لە پڕۆژەکان ناوەستێ و بەردەوامە، رەنگە کەمێک خاو بوبێتەوە، بەڵام لە ئایندەیەکی نزیکدا بودجەی ساڵی (2021) بۆ پڕۆژەکان خەرجدەکرێت و هەموو هەوڵێکیان ئەوەیە لە تەمەنی ئەو کابینەیەدا پڕۆژەکان تەواو ببن.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .