مەسرور بارزانی: بەدوای دەستكەوتی كورتخایەنەوە نەبووین

سەرۆكی حكومەتی هەرێمی كوردستان رایگەیاند، بیر لەدەستكەوتی كورتخایەن ناكەنەوە و دەیانەوێت هەرێمی كوردستان ببێتە سەبەتەی دابینكردنی خۆراك بۆ ناوچەكە، هاوكات ئاشكراشی كرد، بە مەبەستی ئاودان و رێگری لە وشكبوونی سەوزایی و باخچەكانی سلێمانی بودجەیەك تەرخان دەكەن.
مەسرور بارزانی سەرۆكی حكومەتی هەرێم لە میانی دانانی بەردی بناغەی پڕۆژەی بە بازاڕكردنی گەنم لە سلێمانی رایگەیاند: ئێمە بەدوای دەستكەوتی كورتخایەن نەبووین، بیرمان بیرێكی ستراتیژییە بۆ ئەوەی كوردستان لە رووی ئابوورییەوە بتوانێت لەسەر پێی خۆی بوەستێت و نەك تەنیا پێداویستییەكانی خۆی دابین بكات، بەڵكو ببێتە سەبەتەیەك بۆ دابینكردنی پێداویستی خواردن و خۆراك لە ناوچەكەشدا.
باسی لەوەشكرد: “كەرتی كشتوكاڵ دەكرێ وەكو سەرچاوەی ژێرخانی ئابووری لە هەر وڵاتێك سەیر بكەین، بە پەرەپێدانی كەرتی كشتوكاڵی زۆر كاری تریش دێنە ئاراوە و كەرتی پیشەسازی پەرەدەستێنێت، كەرتی بازرگانی پەرە دەسێنێت، بەم شێوەیە راستەوخۆ و ناڕاستەوخۆ هەزاران هەلیكار بۆ خەڵكی كوردستان فەراهەم دەكرێت”.
سەرۆكی حكومەتی هەرێمك ئاشكراشی كرد، لەسەر داوای وەزارەتی شارەوانی بڕی پێنج ملیار و 700 ملیۆن دینار بۆ بەڕێوەبردن و چاكسازی لە سەوزایی پاركی هەواری شار، شەقامی بازنەیی مەلیك مەحمود و رێگای سلێمانی- تاسڵوجە تەرخان دەكەن.

هەواڵی دواتر

هۆشیار زێباری جارێكی تر هێرش دەكات سەر دادگای فیدراڵی

هۆشیار زێباری ئەندامی مەكتەبی سیاسی پارتی دیموكراتی كوردستان جارێكی تر هێرش دەكاتەوە سەر دادگای فیدراڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە .