جەعفەر ئیمنكی: دەكرێت لە پایزی ئەمساڵدا دەستوری هەرێم بخرێتە ریفراندۆمەوە

جەعفەر ئیمنكی، سەرۆكی دەستەی ڕاوێژكارانی سەرۆكایەتی هەرێمی كوردستان رایگەیاند، بەلەبەرچاوگرتنی دۆخی ئێستای هەرێم دڵنیایە لەپایزی ئەمساڵدا دەكرێ ڕەشنوسی دەستور بچێتە ڕیفراندۆم و هەرێم ببێتە خاوەنی دەستور.
لە لێدوانێكدا بۆ دەنگی ئەمریكا جەعفەر ئیمنیكی رایگەیاندووە: مەبەستی سەرەكی لە نوسینەوەی دەستور ئەوە نییە بۆشاییەكی دەستورمان لە هەرێم هەیە، بەڵام ئاستی هەرێم لەڕوی ئیعتباری لەڕوی دەستورییەوە بگەینە ئاستی دامەزراوەی دەستوریی لە عێراقی فیدڕاڵدا، ناكرێت ئەوان دەستوریان هەبێت و ئێمە پابەندی ئەو دەستورە ببین بەڵام ئاستی دامەزراوەكانی ئێمە ڕێكخستنیان بەپێی یاسا بێت چونكە دەزانیین لەڕوی ئەو ئاستەوە یاسا نزمترە لە دەستور “.
ئیمنكی سەبارەت بە نێوانی لایەنە سیاسیەكانی هەرێمیش وتی، “لێكتێگەیشتنێكی باش هەیە، ئەو كۆنفرانسەی دوایی ئەوەی زانكۆی كوردستان كردی لەسەر یەكڕیزی و دەستور ئامانجی سەرەكی خۆی پێكهێنا، لایەنەكان ئەوەی لە دڵیاندا بو بەڕاشكاوی باسیان كرد ئەمە زەمینەسازیەكی باش بو ڕای گشتی لە هەرێمی كوردستان كە بایەخی زیاتر بەدەستوری هەرێم بدرێت “.
جەعفەر ئیمنكی كە ئەندامی مەكتەبی سیاسی پارتیشە باسی لەوەشكرد، “ئێمە لەگەڵ ئەوەین سەرۆكی هەرێم لەناو گەل هەڵبژێردرێت لە نەمسا و ئێرلەندا و فینلاندا وایە و سیستەمەكەش هەر پەرلەمانییە، بەڵام ئەمە مەسەلەی ئەوە نییە دەستورەكە بۆ میللەتێكە بۆ گەلێكە بۆ هەرێمێكە ئەمە رای ئێمەیە و ڕایەكی پێچەوانەش هەبێت ئێمە گوێی لێدەگرین و لەگەڵییان باسدەكەین ئێمە ئامادەین بگەینە ڕێككەوتنی سیاسی بێگومان گەل بڕیاری كۆتایی دەدات، ڕای لایەنی سیاسی ڕایەكی سنوردارە لەم بابەتەدا لەبەرئەوە من دڵنیام ئەمە گرفتێكی زۆر نییە لەڕێگەی پەسەندكردنی دەستور.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .