جێگری سەرۆكی حكومەتی هەرێمی كوردستان دەڵێت، گفتوگۆكانیان لەگەڵ حكومەتی عێراق نەوەستاون و بەم نزیكانە شاندی هەرێم سەردانی بەغدا دەكاتەوە.
قوباد تاڵەبانی، جێگری سەرۆكی حكومەتی هەرێمی كوردستان لە لێدوانێكدا رایگەیاند، “گفتوگۆكانمان لەگەڵ حكومەتی عێراق بەردەوامن و پەیوەندی بەردەواممان هەیە.
وتیشی، وەك شاندی حكومەتی هەرێم بەمنزیكانە دەچینەوە بەغدا، بۆ درێژەدان بە گفتوگۆكان لەبارەی جێبەجێكردنی یاسای بودجەی فیدراڵی و ناردنی پشكی هەرێم.
جێگری سەرۆكی حكومەتی هەرێمی كوردستان جەختیكردەوە، كە ئومێدیان هەیە كە یاسای بودجەی 2021ی عێراق جێبەجێ دەكرێت.
