كۆمەڵی دادگەری: لە دەستوردا داوای چوار ناونیشان دەكەین

محەمەد حەكیم، وتەبێژی فەرمی كۆمەڵی دادگەری هەرێمی كوردستان باس لە هەڵوێستی حزبەكەی دەكات لە بارەی پرسی دەستووری هەرێمی كوردستان و رایدەگەیەنێت، چوار ناونیشان لای ئەوان هێڵی سوورن و پێویستە لە دەستووردا بچەسپێندرێت، كە گرنگترینیان بەلای ئەوانەوە رەچاوكردنی پێگەی ئیسلامە.
محەمەد حەكیم، بە دەنگی ئەمریكای راگەیاند: “دەستوور بۆ چارەسەركردنی كێشەكان نییە، كێشەی حزبەكان نییە، بەڵام دەستوور دەبێت بە تەوافق- سازانی حزب و پێكهاتەكانی كوردستان دەربچێت واتە ئەو دەستوورە دەبێت بۆ هەمووان بێت و بەرگێك نەبێت بۆ خەڵكێك دورابێت”.
دەربارەی داواكاری و هێڵی سوری كۆمەڵی دادگەری كە دەیانەوێت لە دەستووری هەرێمی كوردستاندا بیچەسپێنن؟ وتەبێژی فەرمی كۆمەڵی ئیسلامی دەڵێت: “چوار ناونیشان لای ئێمە گرنگن و هێڵی سوورن كە لەنێو ئەو هێڵە سوورانەشدا سورتریشمان هەیە، ئەوانیش بریتین لە، یەكەم: پێگەی ئاینی پیرۆزی ئیسلام لەدەستووری هەرێمدا، دووەم: رێكخستێكی هاوسەنگ و هاوچەرخ و گونجاو بۆ دەسەڵاتەكان لە هەرێمی كوردستان، سێیەم: ماف و ئازادییەكانی هاوڵاتیان، چوارەم: سنووری هەرێمی كوردستان و فەرامۆش نەكردنی ناوچە جێناكۆكەكان”.
لە وەڵامی ئەو پرسیارەی ئایا ئەگەر ئەو چوار خاڵە بەتایبەتی ئەوەی پەیوەندی بە ئایینەوە هەیە بەو شێوەیە نەچەسپێنرا لە پڕۆژەی دەستووری هەرێم هەڵوێستیان چی دەبێت: لە وەڵامدا وتەبێژەكەی دادگەری كۆمەڵ رایگەیاندووە: “نەك هەر دەنگی نادەینێ بەڵكو ئەوەی لەدەستمان بێت لە هەڵویستی مەدەنی و سیاسی و جەماوەریی و رێكخراوەیی و تێگەیاندنی وڵاتان و میللەتانی موسڵمان و چیمان لەدەست بێت لەو رووانەوە دەیكەین”.

هەواڵی دواتر

هۆشیار زێباری جارێكی تر هێرش دەكات سەر دادگای فیدراڵی

هۆشیار زێباری ئەندامی مەكتەبی سیاسی پارتی دیموكراتی كوردستان جارێكی تر هێرش دەكاتەوە سەر دادگای فیدراڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە .