بەرهەم ساڵح سەرۆك كۆماری عێراق دەڵێت، ئەنجامدانی هەڵبژاردن لە كاتی خۆیدا مافێكی نیشتمانی و داواكارییەكی جەماوەرییە.
بەرهەم ساڵح لە وتەیەكدا لە كۆنگرەی چوارەمی رێكخراوەكانی كۆمەڵگەی مەدەنی ئاماژەی بەوەدا، ئەنجامدانی هەڵبژاردن لە كاتی دیاریكراودا مافێكی نیشتمانی و داواكارییەكی جەماوەرییە، داواش دەكات هانی خەڵك بدرێت بۆ بەشداریكردن لە هەڵبژاردن.
رونیشیكردەوە، پەنابردن بۆ گەل چارەسەری ئاڵنگارییە ئابوریی و ئەمنییەكان دەكات، پێویستە چاكسازی راستەقینە ئەنجام بدرێت بۆ ئەوەی ئەو بۆشاییەی لەگەڵ گەل دروست بوو پڕ بكرێتەوە.
بەرهەم ساڵح لە بەشێكی تری قسەكانیدا هێمای بۆ ئەوەكردووە، داوا لە هێزە سیاسیەكان دەكات زمانی عەقڵ بەكاربهێنن بۆ تێپەڕاندنی قەیرانەكان و بەرەنگاربونەوەی پارەی سیاسی و كپكردنەوەی گەندەڵی، هیواخوازە پەرلەمانیش هاریكاری بكات لە رووبەڕووبونەوەی گەندەڵی، چونكە چاكسازی ئەركی هەموانە.
