جێگری سەرۆكی پەرلەمانی عێراق باس لەوەدەكات دۆخی وڵاتەكە لەبارە بۆ ئەنجامدانی هەڵبژاردن و هیچ لایەنێكیش بە فەرمی داوای دواخستنی پرۆسەكەی نەكردووە.
بەشیر حەداد، جێگری سەرۆكی پەرلەمانی عێراق بە رۆژنامەی سەباحی رایگەیاند، دۆخی گشتی ئێستای وڵاتەكە یارمەتیدەرە بۆ ئەنجامدانی هەڵبژاردن و لایەنە سیاسییەكان، حكومەت و كۆمسیۆن رازین بە ئەنجامدانی هەڵبژاردن لە وادەی خۆیدا و هیچ لایەنێكی سیاسیش داوای دواخستن یاخود هەمواركردنی یاسای هەڵبژاردنەكانی نەكردوە.
باسی لەوەشكردووە، وێڕای ئەوەی لێدوانی رۆژنامەوانی زۆر هەن لەلایەن هەندێك كەس و لایەن بۆ هەمواركردنی یاسای هەڵبژاردنەكان، بەڵام تاوەكو ئێستا هیچ داواكارییەكی رەسمی بۆ ئەو مەبەستە پێشكەشی پەرلەمان نەكراوە.
رونیشیكردۆتەوە، ئەگەر حكومەت یاخود سەرۆكایەتی كۆمار داوایەكی لەو جۆرە بخەنەڕو یاخود داواكارییەكە لەلایەن 10 پەرلەمانتار یان یەكێك لە لیژنە تایبەتمەندەكانەوە پێشكەش بكرێت، ئەوا بەپێی ماددەی 60ی دەستور، پەرلەمان دەست دەكات بە رێكارەكان.
