بەڕێوەبەرایەتی هاتوچۆی سلێمانی رایگەیاند، لە زیادكردنێكی ئاشكرادا 144 ئۆتۆمبێلی دەستبەسەرداگیراو دەفرۆشێت.
لە ئاگادارییەكی هاتوچۆی سلێمانیدا هاتووە، بە پشت بەستن بە رێنمایی وەزارەتی ناوخۆ ژمارە 1ی ساڵی 2016 ئەو ئۆتۆمبێلانە دەفرۆشن كە دەستیان بەسەردا گیراوە و لە گەراجی دەستبەسەرداگرتنی كۆنی بەڕێوەبەرایەتیەكان لە رێگەی عەربەت.
راشیگەیاندووە، ئەو كەسانەی دەیانەوێت بەشداری لەو زیادكردنە ئاشكرایەدا بكەن پێویستە چەكێكی پەسەندكراو بە بڕی 14 ملیۆن دینار ئامادە بكات و كڕیار دەبێت سەرجەم خەرجییەكانی بڵاوكردنەوەی زیادكردنی ئاشكرا لە ئەستۆ بگرێت.
ئەوەشخراوەتەڕوو، كە پێویستە كڕیار لە ماوەی سێ رۆژدا ئۆتۆمبێلەكان بە سكراب بباتە دەرەوەی گەراجەكە و پاش تەواوبوونی ئەو ماوەیە رۆژانە بە بڕی 500 هەزار دینار سزای دواكەوتنی لێوەردەگرێت.
هاتوچۆی سلێمانی ئاماژەی بەوەشكردووە، زیادكردنی ئاشكرا رۆژی هەشتی حوزەیرانی ئەمساڵ لە گەراجی ئۆتۆمبێلە دەستبەسەرداگیراوەكان ئەنجام دەدرێت.
