میدیاكانی دانیمارك بڵاویانكردەوە، كە دەزگایەكی هەواڵگری وڵاتەكەیان هاوكاری دەزگای ئاسایشی نیشتمانی ئەمریكایان كردوە لە گوێگرتن لە پەیوەندییە تەلەفونییەكانی چەند سەركردەیەكی ئەوروپا.
بەپێی راپۆرتی میدیاكانی دانیمارك، دەزگای هەواڵگری بەرگریی وڵاتەكەیان لە نێوان ساڵانی 2012 بۆ 2014 لەو كاتەیدا كە باراك ئۆباما سەرۆكی ئەمریكا بووە، هاوكاری واشنتۆنی كردووە لە گوێگرتن لە پەیوەندییەكانی چەند سەركردەیەكی وڵاتانی ئەوروپی.
ئەوەشخراوەتەڕوو، دەزگای ئاسایشی نیشتمانی ئەمریكا بە هاوكاری لایەنی دانیماركی توانیویەتی گوێ لە پەیوەندییەكانی ئەنجێلا مێركڵ راوێژكاری ئەڵمانیا و سەركەی وڵاتانی وەك فەرەنسا، سوید و نەرویج بگرێت.
پێشتریش ئیدوارد سنۆدن كارمەندی پێشووی دەزگای هەواڵگری ناوەندیی ئەمریكا ئاشكرای كردبوو، لە ساڵی 2013 دا ئەمریكا گوێی لە پەیوەندییە تەلەفونیەكانی مێركڵ گرتووە.
