لە سنوری پارێزگای كەركوك دەست بەسەر پێنج موشەكدا گیران، كە بە ئاراستەی سەنگەرەكانی پێشمەرگە لە ناحیەی پردێ دانرابوون.
بەپێی زانیارییەكان لە نێوان گوندەكانی دارەمان و حەسار لە سنوری پارێزگای كەركوك پێنج موشەك دۆزراونەتەوە، كە بە ئاراستەی هەولێر و سەنگەرەكانی پێشمەرگە لە پردێ دانرابوون.
هەر بە پێی زانیارییەكان پێش ئەوەی ئەو موشەكانە هەڵبدرێن لە لایەن هێزە ئەمنیەكانەوە دەستیان بەسەرداگیراوە.
هاوكات شانەی راگەیاندنی جەنگی عێراق لە راگەیەندراوێكدا باسی لەوەكردووە، “بەپێی زانیاری هەواڵگری و بەرەنگاربوونەوەی تیرۆر و بنكەی پۆلیسی پردێ، دەست بەسەر پێنج مووشەكی دوورهاوێژ لە جۆری گراد-دا گیراوە، ئەو مووشەكانە لە گوندی حەسار سەر بە ناحیەی پردێ-ی سنووری پارێزگای كەركووك ئامادەكرابوون”.
