نوێترین هەواڵ

دەیان حوكمدراو لە كەركوكەوە بۆ گرتووخانەی سوسێ گواسترانەوە

بەوتەی ئەندامێكی لیژنەی ئاسایش و بەرگریی پەرلەمانی عێراق 140 حوكمدراو لە گرتووخانەی گرتن و گواستنەوەی كەركووكەوە بۆ گرتووخانەی سوسێ-ی فیدراڵی لە پارێزگای سلێمانی گوازرانەوە، كە بە ماددەكانی پەیوەست بە تیرۆر و ماددە هۆشبەرەكان حوكمدراون.
لەوبارەیەوە ناسر هەركی ئەندامی لیژنەی ئاسایش و بەرگریی پەرلەمانی عێراق رایگەیاندوە، 140 بەندكراو لە گرتووخانەی گرتن و گواستنەوەی كەركووكەوە گوازراونەتەوە بۆ گرتووخانەی سوسێ-ی فیدراڵی لە پارێزگای سلێمانی.
ناسر هەركی راشیگەیاند: “ئەو بەندكراوانە تاوانباری تیرۆر و ماددەی هۆشبەرن و هۆكاری گواستنەوەیشیان قەرەباڵغی زیندانەكانی كەركووك و خراپی دۆخی ئەمنیی شارەكەیە”.
بەپێی زانیارییەكان ماوەیەك لەمەوبەریش ژمارەیەك بەندكراو لە گرتووخانەكانی كەركووكەوە بۆ گرتووخانەی حوت لەپارێزگای ناسرییە گوازرانەوە.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .