سەدان دۆنم پۆش و پاوان لە سنورەكانی شارباژێڕ و سەیدسادق و دەربەندیخان سوتان و بەڕێوەبەرایەتی پۆلیسی دارستان و ژینگەی پارێزگای سلێمانیش ئاشكرایدەكات، بەهۆی شۆرتی كارەبا و پاككردنەوە بووە و جوتیارێكیش بەهۆكاری كردنەوەی ئاگر دەستگیر كراوە.
بەڕێوەبەرایەتی پۆلیسی دارستان و ژینگەی پارێزگای سلێمان بڵاویكردووەتەوە. لە گوندی چەمك و سپیار ئاگرێكی بەرفراوان كەوتەوە و سەرەتای كەوتنەوەی ئاگرەكە هاووڵاتیانی سنورەكە لە پێناو پاراستنی رەزو باخەكانیان دەستیان كردبوو بەكوژانەوەی، پاشان دەست بە جێ مەفرەزەكانی بەشی پۆلیسی دارستان و ژینگەی شارباژێڕ گەیشتنە شوێنی روداوەكە.
ئەوەش هاتووە، بەهۆی سەختی ناوچەكەو مەترسی تەقەمەنی چەند كاتژمێرێكی خایەند بۆ كۆنترۆڵكردنی ئاگرەكە، دواتر توانرا كۆنترۆڵ بكرێت و زیانی ئاگرەكە سەدان دۆنم پوش و پاوان سوتا، بە هۆكاری كەوتنەوەی ئاگرەكە جوتیارێك لە گوندەكە دەستگیركرا.
جەختلەوەشكراوەتەوە، هاوكات لەگوندی “سولەمیش” ئاگرێكی بەرفراوان كەوتەوە دەست بەجێ مەفرەزەكانی بەشی پۆلیسی دارستان و ژینگەی سەید یادق گەیشتنە شوێنی ڕووداوەكە توانرا بەهاوكاری ئاسایش و خەڵكی ناوچەكە ئاگرەكە كۆنترۆڵ بكرێت زیانی ئاگرەكە 200 دۆنم پوش و پاوان بوو لەگەڵ 3 مەكینەی ئاو، هۆكاری ئاگرەكەش نادیارە.
بەڕێوەبەرایەتی پۆلیسی دارستان و ژینگە رونیشیكردووەتەوە، هەروەها ئاگرێك لە نزیك تونێلی دەربەندیخان كەوتەوە دەستبەجێ مەفرەزەكانی بەشی پۆلیسی دارستانی دەربەندیخان گەیشتنە شوێنی رووداوەكە و بەهاوكاری ئاگركوژێنەوە توانیان لەماوەیەكی كەمدا ئاگرەكە كونترۆڵ بكەن زیانی، بەهۆیەوە 3 دۆنم پوش و پاوان سوتاو هۆكاری ئاگركەوتنەوەكە شۆرتی كارەبا بوو .
