هێزەكانی پێشمەرگە و هاوپەیمانان لە نزیك خورماتوو، هێرشیان كردە سەر چەند حەشارگەیەكی داعش و ژمارەیەك چەكدارییان لێ كوشتن.
بەپێی زانیارییەكان لە ئۆپەراسیۆنێكی هاوبەشی هێزەكانی پێشمەرگە و هاوپەیمانان بۆ سەر چەند حەشارگەیەكی داعش، لە نزیك گوندی داودە-ی سەر بە قەزای خورماتوو هەشت چەكداری داعش كوژران و دوو ئۆتۆمبێل و دوو ماتۆڕسكیلیش سووتاون.
ئەوەشخراوەتەڕوو، كە تونێلێكی چەكدارانی داعش روخێنراوە و كۆگایەكی چەكیش رێكخراوەكەش سوتێنراوە.
باس لەوەش دەكرێت لە ئۆپەراسیۆنەكەدا، فڕۆكە و هێلیكۆپتەری جەنگیش بەكارهێنراوە و هاوكاری ئۆپراسیۆنەكە بوون.
ئۆپراسیۆنەكە دوای ئەوە دێت كە لە ماوەكانی رابردوودا چەكدارانی داعش چەند جارێك پەلاماری سەنگەرەكانی پێشمەرگە و هێزە ئەمنییە عێراقییەكانیان دابوو لەو ناوچەیە.
