wazho.net
سه‌رۆك كۆماری عێراق له‌باره‌ی بڕینه‌وه‌ی داری دارستانه‌كانی سەر سنوری نێوان هەرێمی كوردستان و توركیا رایگه‌یاند، تاوانه دژ به مرۆڤ و ژینگه، ده‌شڵێت: “ئه‌ركمانه له حكومه‌تی فیدراڵ و هه‌رێم هاوكاربین بۆ ڕاگرتنی ئه‌م ده‌ستدرێژی و تاڵانیه”.
به‌رهه‌م ساڵح، سه‌رۆك كۆماری عێراق له تویتێكدا له هه‌ژماری تایبه‌تی خۆی نوسیویه‌تی، “سه‌رباری له‌شكرێشی و پێشێلكردنی سه‌روه‌ری و شه‌ڕ و ئاواره‌بونی خه‌ڵك، بڕینه‌وه‌ی دارستانه سروشتیه‌كان له هرور و باتیفا و ناوچه سنوریه‌كانی كوردستان، تاوانه دژ به مرۆڤ و ژینگه، مایه‌ی چاوپۆشی نیه”.
به‌رهه‌م ساڵح ده‌شڵێت، “ئه‌ركمانه له حكومه‌تی فیدراڵ و هه‌رێم هاوكاربین بۆ ڕاگرتنی ئه‌م ده‌ستدرێژی و تاڵانیه و سزادانی تاوانكاران”.
