مەسرور بارزانی سەرۆكی حكومەتی هەرێمی كوردستان رایگەیاند “بە توندی هێرشی پەكەكە بۆ سەر پێشمەرگە سەركۆنە و شەرمەزار دەكەم و داوا لە پەرلەمانی كوردستان و لایەنە سیاسییەكان دەكەم كە بە یەكدەنگیی لە دژی ئەم دەستدرێژییە بوەستنەوە”.
مەسرور بارزانی لە تویتێكدا لەبارەی رووداوەكەی چیای مەتینا و شەهیدبوونی پێنج پێشمەرگە رایگەیاند: “بە توندی هێرشی پەكەكە بۆ سەر پێشمەرگە سەركۆنە و شەرمەزار دەكەم. پرسە و هاوخەمی ئاراستەی بنەماڵەی پێنج شەهیدەكە دەكەم و ھیوای چاكبوونەوەی خێرا بۆ بریندارەكان دەخوازم”.
سەرۆكی حكومەتی راشیگەیاند: “داوا لە پەرلەمانی كوردستان و لایەنە سیاسییەكان دەكەم كە بە یەكدەنگیی لە دژی ئەم دەستدرێژییە بوەستنەوە”.
