نوێترین هەواڵ

نەزاهەی عێراق فەرمانی دەستگیركردن و بانگهێشتكردن بۆ 9 بەرپرس دەردەكات

دەستەی نەزاهەی عێراق ئاشكرایكرد، 9 فەرمانی دەستگیركردن و بانگهێشتكردن بۆ بەرپرسان لە چەند پارێزگایەك دەرچووە، كە یەكیان راوێژكاری سەرۆك كۆمارە.
دەستەی نەزاهە بڵاویكردووەتەوە، فەرمانی بانگهێشتكردن بۆ سەرۆكی پێشووی ئەنجومەنی پارێزگای كەركوك دەرچووە ئەوەش بەهۆی خەرجكردنی دەرماڵەی تایبەت بە بڕوانامە بۆ ئەندامانی پێشووی ئەنجومەنەكە بە پێچەوانەی رێنماییەكانەوە.
باس لەوەشكراوە، هەروەها فەرمانی بانگێهشتكردن بۆ پەرلەمانتارێكی پێشوو كە ئێستا راوێژكاری سەرۆكایەتی كۆمارە و ئەندامێكی ئەنجومەنی پارێزگای كەركوك و چەند تۆمەتبارێكی تر دەرچووە ئەوەش بەهۆی وەرگرتنی چەك و ئامێری حكومی لە بەڕێوەبەرایەتی پۆلیسی كەركوك و رەتكردنەوەی رادەستكردنەوەیان.
ئەوەش هاتووە، لە پارێزگای نەینەواش سەرۆكی پێشووی زانكۆی تەكنیكی باكور بەهۆی پێشێلكاری لە حساباتی سندوقی فێركردنی باڵا بانگهێشتكراوە، هەروەها ئاشكراكراوە بەڕێوەبەری بەشی دابەشكردن لە كۆمپانیای دابەشكردنی بەرهەمە نەوتییەكان دەوامنەكردنی فەرمانبەرێك پەردەپۆش دەكات كە ماوەی 4 ساڵە پابەند نەبووە و بەهۆی ئەوەشەوە ئەو بەڕێوەبەرە و چەند كەسێكی تر بانگهێشت كراون.
دەستەی نەزاهەی عێراق جەختیلەوەشكردووەتەوە، لە هەریەكە لە پارێزگاكانی زیقار و بابلیش بەهۆی گەندەڵی و بەهەدەردانی داهات و چەند كارێكی نایاساییەوە فەرمانی دەستگیركردن و بانگهێشتكردن بۆ ژمارەیەك بەرپرس و فەرمانبەر دەركراون.

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .