لەبارەی ئەنجامی ئۆپەراسیۆنی هاوبەشی نێوان هێزی پێشمەرگە و سوپای عێراق بە پاڵپشتی هاوپەیمان، وەزارەتی پێشمەرگە رایگەیاند، لە ئۆپەراسیۆنەكەدا چەندین بنكەی داعش خاپووركراون و سێ ئۆتۆمبێل سوتێنراون.
سەنتەری میدیای وەزارەتی پێشمەرگە رایگەیاند “رۆژی 2021/6/6، ئۆپەراسیۆنێكی هاوبەش لەنێوان هێزەكانی پێشمەرگە و هێزێكی سوپای عێراقی، بە پاڵپشتی هێزەكانی هاوپەیمانان ئەنجامدرا، لە گوندەكانی پەلكانە و قۆریچایی لە سنووری نێوان قەزای كفری و خورماتوو. لەو ئۆپەراسیۆنەدا سێ ئۆتۆمبێل سووتێنران و چەندین بنكەی تیرۆریستان خاپوور كران”.
وەزارەتی پێشمەرگە ئاماژەی بەوەشكردووە “ئامانج لەو ئۆپەراسیۆنە دوورخستنەوەو لەناوبردنی تیرۆریستانە لەو ناوچانە”.
