ئاڵا تاڵەبانی ئەندامی لیژنەی دەرەوەی پەرلەمانی عێراق دەڵێت، داماڵینی خاكی هەرێمی كوردستان لە دارەكانی ئاسانكاری دەكات بۆ بنیادنانی بنكەی سەربازی زیاتری توركیا، داواش لە حكومەتی عێراقی دەكات هەڵوێستی فەرمی هەبێت.
ئاڵا تاڵەبانی بە ئاژانسی هەواڵی فەرمی عێراقییەی وتووە، داماڵینی خاكی هەرێمی كوردستان لە دار و باخەكانی لەلایەن توركیاوە دوو لایەنی هەیە ئەوانیش “سیاسی و ژینگەیی”، هەردوو لایەنەكە پێشێلكردنی دەستور و بەڵێننامەكان و رێزگرتنی هاوسێیەتییە.
رونیشیكردووەتەوە، چەندین تۆن دار كە بە شێوەیەكی نایاسایی بڕدراونەتەوە كاریگەری لەسەر ژینگەی هەرێم و عێراق دەكات، شایەتحاڵەكان خەتلەوەدەكەوە ئەو دارانە دەبرێن بۆ توركیا ئەوەش پێشێلكردنی سەروەرییە، زانیاریەكان باس لەوەدەكەن كە ئەوە سەرەتایەكە بۆ بنیادنانی بنكەی سەربازی توركیا لەو ناوچانە.
ئاڵا تاڵەبانی لە بەشێكی تری قسەكانیدا وتویەتی، توركیا واپیشان دەدات كە ئامانجی راوەدونانی پەكەكەیە، بەڵام بەو شێوەیە و بەبێ رەزامەندی حكومەتی بەغدا و هەرێم پێیشَلكردنی سەروەرییە، داماڵینی دارستان وباخەكان تاوانێكی مرۆییە و داوا لە حكومەتی فیدراڵی دەكات هەڵوێستی فەرمی هەبێت.
