دادگای عێراقی سزای لە سێدارەدانی بۆ ئەو بكوژە دەركرد، كە لە گەڕەكی مەسنوری شاری بەغدا خێزانە كوردەكەی كوشت.
سەرچاوەكانی هەواڵی عێراقی بڵاویانكردووەتەوە، رۆژی دووشەممە 7ی حوزەیرانی 2021 ئەو گەنجەی لە شاری بەغدا خێزانی كوردی كوشت كە لە كچێك و دایك و باوكی پێكهاتبوون، دادگایی كراوە.
بەپێی زانیاریەكان، دادگای عێراقی لە دانیشتنەكەدا بە تۆمەتی كوشتنی بە ئەنقەست بڕیاری لە سێدارەدانی بۆ ئەو بكوژە دەركردووە.
ساڵی رابردوو خێزانێكی كورد لە شاری بەغدا لە شوقەكەی خۆیاندا كوژران و دواتر ئەنجامدەری كارەكە دۆزرایەوە و دەستگیر كرا و دەركەوت ئەو بكوژە ویستوویەتی دزی لە خێزانەكە بكات كە دانیشتووی گەڕەكی مەنسوری بەغدا بوون و گەنجەكەیان دەناسی.