تەرمی 11 هاوڵاتی ئێزدی قوربانی دەستی داعش دەگەڕێنرێنەوە زێدی خۆیان و قائمقامی شنگالیش دەڵێت، لە زێدی خۆیان دەنێژرێن.
فەهد حامد قایمقامی شەنگال بە وەكالەت بە دەزگا فەرمییەكانی یەكێتی وتووە، تەرمی 11 ئێزدی كە لە ساڵانی رابردوو لەلایەن چەكدارانی داعشەوە كوژراون دەگەڕێنرێنەوە زێدی خۆیان.
ئاماژەی بەوەشداوە، تەرمی ئەو هاوڵاتیانە لە گۆڕستنەكانی “رەشەكە، شێخ حەسەن و شەرەفەدین” بەخاك سپێردرابوون، بەڵام دەگەڕێندرێنەوە و لە زێدی خۆیان بە خاك دەسپێردرێن.
دوای ئەوەی لە ساڵی 2014 رێكخراوی داعش ناوچەیەكی فراوانی عێراقی داگیركرد، ژمارەیەكی زۆر هاوڵاتی ئێزدی كوشت و بەدیل گرت، ناوبەناویش گۆڕی بەكۆمەڵی ئەو هاوڵاتیانە دەدۆزرێنەوە.
