فەرماندەی میحوەری گەرمەسێری هێزەكانی پێشمەرگە ڕایدەگەیەنێت؛ لەم كاتەدا شەڕكردن لە دژی پەكەكە مەترسیەكی گەورەیە لەسەر میللتەكەمان و ئەگەر هەموو دنیا كاول ببێت، من ئامادەنیم بڕۆم یەك فیشەك بەرەوڕووی پەكەكە بتەقێنم.
مەحمود سەنگاوی، ئەندامی سەركردایەتی یەكێتی و فەرماندەی میحوەری گەرمەسێری هێزەكانی پێشمەرگە لە میانی وتارێكیدا رایگەیاند: هەر شتێك هەبێت ناكاتە ئەوەی ئێمە شەڕی لایەنێك بكەین و كوڕی خەڵك بە كوشت بدەین، لە پێناوی ئەوەی توركیا ئافەرینمان بكات یان لایەنێكی عێراق یان لایەنی تر ئافەرینمان بكات.
فەرماندەی میحوەری گەرمەسێری پێشمەرگە وتیشی: دەبێت هەموومان بچینە سەرشەقام و شەڕی براكوژیی حەرام بكەین، شەڕی پەكەكە حەرام بكەین، لەم كاتەدا شەڕی پەكەكە خەتەرێكی گەورەیە لەسەر میللتەكەمان.
جەختیشی كردەوە: دژی شەڕی پەكەكەم و لەبەردەم هاوسەرۆكانی یەكێتیدا وتوومە، ئەگەر هەموو دنیا كاول ببێت، من ئامادەنیم بڕۆم یەك فیشەك بەرەوڕووی پەكەكە بتەقێنم، هیچ شتێك ناكاتە ئەوەی بچین یەكتری بكوژین.
