سەڵاحەدین بەهائەدین: شەڕ نیشانەی شكستی لایەنەكانە

ئەمینداری یەكگرتووی ئیسلامی كوردستان رایگەیاند، ماوەیەكە تارمایی شەڕی كوردان باڵی كێشاوە بەسەر نیشتماندا، ئەركی هەمووانە عەقڵ بكەنە حەكەم، دەشڵێت، “شەڕ نیشانەی شكستی لایەنەكانە.”
سەڵاحەدین بەهائەدین، ئەمینداری گشتی یەكگرتووی ئیسلامی كوردستان لەبارەی دۆخی هەرێمی كوردستان پەیامێكی بڵاوكردەوە و دەڵێت، “‏شەڕ نیشانەی شكستی لایەنەكانە، بۆیە ئازا ئەوەنیە هەڕەشەی شەڕبكات، بەڵكو ئازا ئەوەیە هونەری چارەسەری ئاشتییانە بەكاربهێنێت و خەمی نەڕشتنی دڵۆپێك خوێنی بێت.”
ئەمینداری یەكگرتوو راشیگەیاندووە، “ماوەیەكە تارمایی شەڕی كوردان باڵی كێشاوە بەسەر نیشتماندا، ئەركی هەمووانە عەقڵ بكەینە حەكەم، بەڵێ بۆ ئاشتی و نەفرەت لە شەڕ.”
ماوەیەكە گرژییەكانی نێوان پەكەكە و پارتی رووی لە هەڵكشان كردووە و مەترسی هەڵكشانی شەڕ لە نێوان ئەو دوو لایەنە لە ئارادایە.