دادگای تاوانەكان لە ناوچەی كەرخی بەغدا سزای سێ جار لەسێدارەدانی بەسەر بكوژی خێزانە كوردەكەی بەغدا، سەپاند.
بەپێی راگەیەندراوێكی ئەنجوومەنی باڵای دادوەریی عێراق، ئەو بكوژە، كە پزیشكێكی دەرمانسازی بە ناوی شیلان، لەگەڵ دایك و باوكی ئەو پزیشكە، كوشت، سزاكەی بریتییە لە سێ جار لەسێدارەدان.
بكوژەكە رۆژی 15-9-2020 هەلی كوتابووە سەر شوقەی ئەو خێزانە كوردە لە ناوچەی مەنسور لە بەغدا و هەرسێكیانی كوشتبوو، دواتر بەرەو هەولێر هەڵاتبوو.
رۆژی دواتر، هێزی دژەتیرۆری كوردستان لە هەولێر بكوژەكەی دەستگیر كرد و رادەستی هێزە ئەمنییە عێراقییەكانی كرد.
