عەلی حەمە ساڵح: لەبەرمیلێك نەوت تەنیا 22 دۆلار بۆ خەزێنەی حكومەت دەگەڕێتەوە

عەلی حەمەساڵح، ئەندامی پەرلەمانی كوردستان دەڵێت، ئێستا لەبەرمیلێك نەوت تەنیا 22 دۆلار بۆ خەزێنەی حكومەتی هەرێم دەگەڕێتەوە و ئەگەر رێژەكە بەهۆی كۆمەڵێك رێكارەوە بۆ 32 دۆلار بەرزبكرێتەوە، كێشەی موچە چارەسەر دەكرێت.
عەلی حەمەساڵح لەپەیامێكی ڤیدیۆییدا باسی لەوەكردوە، “پارەی نەوت چۆن بەش دەكرێت لەبەرمیلێك نەوت تەنیا 22 دۆلار بۆ خەزێنەی حكومەت دەگەڕێتەوە و كەمترین داھاتی نەوت دێتەوە خەزێنەی دارایی، ئەگەر بەهۆی كۆمەڵێك رێكارەوە 32 دۆلار بگەڕێتەوە لە بەرمیلێك، گرفتی موچەو لێبڕین نامێنێت”.
باسی لەوەشكردوە، “بەیاسا بەرزترین دەسەڵات لە دۆسیەی نەوت ئەنجومەنی ھەرێمی نەوت و گازە، گۆڕان و یەكێتی لە پێنج ئەندام سێ ئەندامیان ھەیە، كەواتە: بۆ بێدەنگن؟”.
ئەو پەرلەمانتارە راشیگەیاندووە: ” ئەگەر چاكسازی لە كۆی سێكتەری نەوت و گرێبەستە نەوتییەكانی حكومەتی هەرێم لەگەڵ كۆمپانیاكان نەكرێت، بەرزبونەوەی بەهای نەوت هیچ كاریگەرییەكی لەسەر دۆخی موچە خۆران و رەوشی دارایی هەرێمی كوردستان نابێت،  لەم پرسەشدا ئەوەی دەتوانێت رۆڵ ببینێت تەنها ئەنجومەنی هەرێم نەوت و گازە و باوەڕیانوایە پەرلەمانی كوردستان لەم پرسەدا ناتوانێت رۆڵێكی بەرچاو بگێڕێت”.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .