دكتۆر فازڵ نەبی بریكاری پێشوی وەزارەتی دارایی عێراق دەڵێت، حكومەتی هەرێم هیچ بیانویەكی بۆ جێبەجێكردنی یاسای بودجە و ناردنی پشكی هەرێم بۆ بەغدا نەهێشتووەتەوە و ئەگەر بەغدا پابەند نەبێت دەتوانێت لە دادگای فیدراڵی سكاڵا تۆمار بكات.
دكتۆر فازڵ نەبی بە ماڵپەڕی فەرمی پارتی وتوە، حكومەتی هەرێم ئەوەی لەسەریەتی ئامادەیی خۆی نیشان داوە جێبەجێی بكات، بۆیە شاندی ناردوە و هیچ بیانویەكی بۆ حكومەتی عێراق نەهێشتووەتەوە، بەغدا ناچارە پابەندی یاسای بودجە بێت چونكە لە پەرلەمان دەنگی لەسەر دراوە و بوەتە یاسا.
وتیشی، ئەگەر هاتوو حكومەتی عێراق پابەند نەبێت و پشكی هەرێم رەوانە نەكات، ئەوكات هەرێم دەتوانێت لە دادگای فیدراڵی سكاڵا تۆمار بكات و سكاڵاكەش لە بەرژەوەندیی هەرێم یەكلا دەبێتەوە.
بریكاری پێشوی وەزارەتی دارایی عێراق جەختیلەوەشكردووەتەوە، ئێستا لیژنەی هاوبەشی چاودێری دارایی هەرێم و بەغدا وردبینی لە داهاتەكان دەكەن و بەردەوامن، ئەگەر بەغداش نیازی پاك بێت، لە ماوەیەكی كەمدا ئەوەش تەواو دەكرێت.