لەبارەی پلانی لابردنی سێ سفری سەر دیناری عێراقی روونكردنەوە دەدرێت

راوێژكاری سەرۆكوەزیرانی عێراق بۆ كاروباری دارایی و ئابوری ئاشكرایكرد لە پلانیاندایە سێ سفری سەر دینار لاببەن، دوو مەرجیشی بۆ ئەو هەنگاوە داناوە.
مەزهەر ساڵح راوێژكاری مستەفا كازمی سەرۆكوەزیرانی عێراق بۆ كاروباری دارایی و ئابوری  رایگەیاند، بانكی ناوەندی عێراق، پلانی لابردنی سێ سفری دراوی عێراقی بۆ چاكسازی لە سیستمی پێدانی پارەی نەقدی داناوە، كە بە قسەی ئەوان ”بووەتە بارگرانی ئابوری و لە ساڵانی نەوەدەكانەوە دا سەپێنراوە.”
باسی لەوەشكردووە، ئەم پلانەش بەشێكە ستراتیجیەتی چاكسازی لە سیستمی دراو و پارەدانی نەقدی لە وڵاتدا.
لەبارەی مەرجەكانیشەوە رایگەیاندووە، یەكەم ئەوەیە پێویستە سەقامگیری نرخ و گەشەی ئابوری جیهان بێتەدی، جێگیری ژیانی سیاسی وڵاتیش مەرجی دووەمە.
راشیگەیاندووە، دوای بەدیهێنانی مەرجەكان دەتوانرێت سفری دراوی عێراقی لابدرێت و بچوكبكرێتەوە، لەو كاتەشدا مامەڵەكردن بەدینارەوە ئاسانتردەبێت بەجۆرێك یەك دیناری نوێ یەكسان بێت بە هەزار دینار و 10 دیناریش یەكسان بێت بە 10 هەزار.
پڕۆژەی لابردنی سفرەكان لەسەر دراوی عێراقی بڕیاربوو لەساڵی 2014 دا جێبەجێ بكرێت، بەڵام بەهۆی شەڕی داعش و قەیرانی ئەمنییەوە پڕۆژەكە دواخرا.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .