وەزیری تەندروستی حکومەتی هەرێمی کوردستان رایگەیاند: بڕیاریان داوە، دەوامی بەنۆرەی فەرمانبەران نەهێڵن و رێکاری یاساییش بەرامبەر ئەو فەرمانبەرانە دەگرنەبەر کە سەرپێچی لەو بڕیارە دەکەن.
سامان بەرزنجی، وەزیری تەندروستی حکومەتی هەرێم لە گشتاندنێکدا، کە ئاراستەی سەرجەم بەڕێوەبەرایەتیە گشتییەکان و بەڕێوەبەرایەتی و بەش و هۆبەکانی سەر بە دیوانی وەزارەتی کردووە، رایگەیاند، لەپێناو بەرژەوەندی گشتی و باشتر رایی کردنی کاروباری هاووڵاتیان بڕیارمانداوە بە نەهێشتنی دەوامی بەنۆرە (تناوب)ی فەرمانبەران و پابەندبوونیان بە کاتەکانی دەوامی فەرمی رۆژانە”.
باسی لەوەشکردوە: “رێکاری یاسایی بەرامبەر بە فەرمانبەری سەرپێچکار دەگیرێتەبەر”.
