عەلی بەدیری ئەندامی لیژنەی كشتوكاڵ و ئاو و زۆنگاوەكان لە پەرلەمانی عێراق هۆشداری لە كارەساتێكی ئاویی دەدات و داواش دەكات چارەسەری راستەقینە بدۆزرێتەوە.
عەلی بدیری لە لێدوانێكی رۆژنامەوانیدا ئاماژەی بەوەداوە، پێشتریش هۆشداریمان داوە لە كارەساتێكی ئاویی كە تووشی وڵات دەبێت بەشێوەیەك كە كەس ئاواتی پێ نەخوازێت، ئەگەر چارەسەری راستەقینە نەكرێت و بەرەو ئێران و توركیا جوڵە نەكرێت بۆ دۆزینەوەی چارەسەرەری بنەڕەتی و هەمیشەیی پشكی ئاوی عێراق.
رونیشیكردووەتەوە، بەداخەوە ئەوەی هەیە تەنها قسە و داتا و بەڵێنە كە هیچیان تێدا بەسەر نییە، گوێ لە هۆشدارییەكان ناگیردرێت بەڵكو بە پێچەوانەوە لە گرنگیەكەشیان كەمكردووەتەوە، كۆتایی هاتنی وەرزشی كشتوكاڵی لە قەبارەی كارەساتەكەی كەمكردووەتەوە ئەوەش بەهۆی ئەوی ئاوی زۆرمان پێویست نییە، بەڵام دوای بەرزبوونەوەی پلەكانی گەرما و دەستپێكردنی وەرزی نوێی كشتوكاڵی، عێراق رووبەڕووی كارەساتێك دەبێتەوە كە قورس دەبێت ئەگەر جوڵەی بەپەلە نەكرێت.
ئەو پەرەلەمانتارە جەختیلەوەشكردوەتەوە، ئەگەر ماوەی داهاتوو بەو شێوەیە بەردەوام بێت واتای شكستهێنانی وەرزی كشتوكاڵی دەبێت، چونكە 80%ی ئاوی ناوچەكانی باشور و ناوەڕاست كەمیكردووە و بەهۆی ئەوەشەوە سەروەتی كشتوكاڵی و ئاژەڵی لەناودەچن و وێستگەكانی كارەبا دەوەستن بەهۆی نەبوونی ئاو بۆ فێنككردنەوەیان.