وەزیری دادی هەرێم: وەڵاممان بۆ دادگای فیدراڵی دەبێت

دوای ئەوەی دادگای فیدراڵی عێراق پێكهێنانی دادگای تایبەت بە تاوانەكانی داعشی لەلایەن هەرێمی كوردستانەوە رەتكردەوە، فرسەت ئەحمەد وەزیری دادی حكومەتی هەرێم دەڵێت، وەڵامی خۆیان دەبێت.
فرسەت ئەحمەد بە ماڵپەڕی فەرمی پارتی وتووە، مەبەست لە دامەزراندنی دادگای تایبەت بە تاوانەكانی داعش، دادگایی كردنی تۆمەتباران بووە كە دەستیان لە كوشتن و ئەشكەنجەدانی هاوڵاتیاندا هەبووە، پێداچوونەوە بە بڕیارەكەی دادگای فیدراڵی دەكەین و وەڵامی خۆمان دەبێت.
وەزیری دادی حكومەتی هەرێم باسی لەوەشكردووە، دامەزراندنی دادگایەك بۆ تاوانەكانی داعش دادگایەكی تایبەت نییە، بەڵكو دادگایەكی تایبەتمەندە و جیاوازی هەیە لە نێوان ئەو دوو دادگایەدا، تایبەت نییە وەك ئەو بەناو دادگایەی شۆڕشی سەردەمی رژێمی بەعس كە خەڵكی بە كوشت دەدا.
پێشتر دادگای فیدراڵی عێراق، دامەزراندنی دادگایەكی تایبەت بە تاوانەكانی رێكخراوی داعشی لەلایەن هەرێمی كوردستانەوە رەتكردبووەوە و بە نادەستوریی وەسفی كردبوو.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .