جۆ بایدن سەرۆكی ولایەتە یەكگرتووەكانی ئەمریكا دەڵێت، كۆماری ئیسلامی ئێران لەسەردەمی ئەودا نابێتە خاوەنی چەكی ئەتۆمی.
جۆ بایدن لە لێدوانێكدا ئاماژەی بەوەداوە، ولایەتە یەكگرتووەكانی ئەمریكا پابەنبوونێكی بەهێزی بەرامبەر ئیسرائیل هەیە و بەم نزیكانە سەرۆك وەزیرانی ئەو وڵاتە سەردانی ئەمریكا ئەكات.
ئاماژەی بەوەشداوە، دڵخۆشە بەوەی سەرۆك وەزیرانی ئیسرائیل دەچێتە كۆشكی سپی، واشنتۆن گەورەترین هاوڕێ و هاوپەیمانی تەلئەبیبە.
لەلایەكی ترەوە بایدن باسی لەوەكردووە، هەرگیز كۆماری ئیسلامی ئێران لەسەردەمی دەسەڵاتی ئەودا نابێتە خاوەنی چەكی ئەتۆمی.