ئێران هاتوچۆی گەشتیارانی لە پەروێزخانەوە كردەوە

دەزگاكانی هەواڵی ئێرانی لە زاری قائیمقامی قەسری شیرین لە پارێزگای كرماشان بڵاویان كردەوە، كە بڕیاردراوە قەدەغە لەسەر هاتووچۆی گەشتیاران لە دەروازەی پەروێزخانەوە هەڵبگرێت و هاتووچۆ دەستپێبكاتەوە.
موراد عەلی تاتار، قائیمقامی قەسری شیرین بە ئاژانسی ئیرنای راگەیاندووە، قەدەغەی هاتووچۆی گەشتیاران لە دەروازەی فەرمی پەروێزخانەوە هەڵگیراوە، لە رۆژی شەممەوە هاتووچۆی گەشتیاران لەو دەروازەوە بۆ هەرێمی كوردستان دەستی پێكردووەتەوە، ئەوەش لەگەڵ پابەندبوون بە پرۆتۆكۆڵە تەندروستییەكانەوە.
وتیشی، ئەو گەشتیارانە دەیانەوێت گەشتی هەرێمی كوردستان بكەن دەتوانن بچنە دەروازەكە، چیتر پێویست بەوە ناكات رێگەپێدان لە قائیمقامیەتی قەسری شیرین وەبگیردرێت بۆ تێپەڕاندنی سنور، سەرجەم گەشتیارانیش پێش پەڕینەوەیان پشكنینی ڤایرۆسییان بۆ دەكرێت.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .