مەنسور بعێجی ئەندامی پەرلەمانی عێراق داوا لە حكومەت دەكات، لە رێگەی كۆمپانیا گەورە متمانە پێكراوە جیهانییەكانەوە ئەو كێشەی بێ كارەباییە چارەسەر بكات كە عێراق پێوەی دەناڵێنێت.
مەنسور بعێجی لە بەیاننامەیەكدا بڵاویكردووەتەوە، دۆزینەوەی چارەسەری هەمیشەیی بۆ قەیرانی كارەبا بووەتە هۆی ئەوەی رۆڵەكانی گەل بەرەو بێ هیوا بوون بچن و باوەڕیان بە هیچ حكومەتێك نەمێنێت بۆ ئیدارەدانی وڵات.
رونیشیكردووەتەوە، سەرجەم پارێزگاكان بەهۆی كەمی كارەباوە دەناڵێنن، ئەم قەیرانە بووەتە كێشە مەزنەكە و تائێستاش هیچ حكومەتێك نەیتوانیوە چارەسەری بكات.
بعێجی جەختیلەوەشكردووەتەوە، وزەی كارەبا شادەماری ژیانە لە وڵاتدا و ئەگەر حكومەت هیچ متمانەیەكی ماوە ئەوا پێویستە بە خێرایی پەنا بۆ كۆمپانیا گەورە جیهانییە متمانە پێكراوەكان ببات بۆ دروستكردنی دامەزراوەیەكی نوێی وزەی كارەبا، ئەوەش پێویستی بە هەوڵ و رێوشوێنی ئاڵۆز هەیە.
