وەزارەتی ناوخۆی عێراق بڵاویكردەوە، بە هەماهەنگی لەگەڵ هێزەكانی ئاسایشدا داواكراوێكی تیرۆریان لە پارێزگای سلێمانی دەستگیر كردووە.
وەزارەتی ناوخۆی عێراق لە بەیاننامەیەكدا بڵاویكردووەتەوە، دوای بەدواداچوونی ورد بۆ جوڵەی داواكراوان، توانرا داواكراوێكی مادەی 4ی تیرۆر لە پارێزگای سلێمانی دەستگیر بكرێت.
رونیشكراوەتەوە، پرۆسەكە لەلایەن بەڕێوەبەرایەتی هەواڵگری و ئاسایشی سلێمانی سەربە بەڕێوەبەرایەتی گشت هەواڵگری و ئاسایش و بە هەماهەنگی باڵا لەگەڵ ئاسایشی سلێمانیدا ئەنجام دراوە.
وەزارەتی ناوخۆی عێراق جەختیلەوەشكردووەتەوە، داواكراوەكە فەرمانی دەستگیر كردنی هەبووە و هەڵاتووە و لە پارێزگای سلێمانی خۆی شاردووەتەوە.
