سەرچاوەكانی هەواڵی كۆریای باشور ئاشكرایانكرد، كیم جۆنگ ئون سەركرەی كۆریای باكور كە لە ماوەی رابردوودا بەهۆی زۆری كێشی لەشی و ئەنجامدانی نەشتەرگەری مەترسی لەسەر ژیانی دروستبوو، ئێستا تەندروستییەكی باشی هەیە و نزیكەی 20 كیلۆ لە كێشی خۆی دابەزاندووە.
رۆژنامەی “چونان ئیلبۆ”ی كۆریای باشور بڵاویكردووەتەوە، هەواڵگری ئەو وڵاتە پێی وایە، كیم جۆنگ ئون هێستا خاوەنی تەندروستییەكی باشە و 10 بۆ 20 كیلۆ كێشی خۆی دابەزاندووە.
ئەوەش هاتووە، هەروەها تەلەفزیۆنی ناوەندیی كۆریای باكوریش ئاماژەی بە هەمان بابەت كردووە كە شێوەی لەش و لاری كیم جۆنگ ئون بێپێشینەیە و پێشتر هەرگیز بەو شێوەیە نەبووە.
تەلەفزیۆنەكە جەختیلەوەشكردووەتەوە، كیم جۆنگ ئون شوێنكەوتوانی تووشی سەرسوڕمان كردووە بەهۆی دابەزاندنی كێشی و تەنانەت زۆریان گریاون.
