بەشار ئەسەد: موچەی فەرمانبەران و موچەخۆران بە رێژەی 50% زیاد دەكات

بەشار ئەسەد سەرۆكی سوریا رایگەیاند، بەڕێژەی 50% موچە بۆ سەرجەم كارمەندان و موچەخۆرانی وڵاتەكەی زیاد دەكرێت.
بەشار ئەسەد بە مەرسومێكی كۆماری بڕیاریدا، بەڕێژەی 50٪ موچە  زیاد بكرێت و بڕیارەكەش، سەرجەم كارمەندانی مەدەنی و سەربازی لەوەزارەت و دامەزراوە فەرمیە حكومیەكان و كۆمپانیا و دامەزراوە ئەهلیەكان دەگرێتەوە.
سەرۆكی سوریا راشیگەیاندووە، بڕیاری زیادكردنی موچە سەرجەم خانەنشینان و ئەو كارمەندانەش دەگرێتەوە كە بەگرێبەست كاردەكەن.
بەشار ئەسەد وەزیری كار و كاروباری كۆمەڵایەتی وڵاتەكەشی راسپاردووە بەهەماهەنگی لەگەڵ وەزیری دارایی، رێگایەك بۆ زیادكردنی كرێی رۆژانەی كرێكاران دیاری بكات.
لە دە ساڵی رابردوودا بە هۆی شەڕی ناوخۆیی و گەمارۆی سەر سوریاوە قەیرانی قوڵی دارایی ئەو وڵاتەی گرتوەتەوە و بەهای دراوی نیشتمانییەكەی دابەزیوە و رێژەی هەڵاوسان، گرانی و بێكاری لەو وڵاتەدا بەرزبوەتەوە.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .