نوێترین هەواڵ

بەرهەم ساڵح: كارەساتەكەی زیقار ئەنجامی ئەو گەندەڵی و خراپ بەڕێوەبردنەیە كە هەیە

بەرهەم ساڵح سەرۆك كۆماری عێراق دەڵێت، كارەساتەكەی نەخۆشخانەی زیقار “كە تێیدا دەیان كەس بوونە قوربانی” لە ئەنجامی ئەو گەندەڵی و خراپ بەڕێوەبردنەیە كە لە وڵاتدا بڵاوبووەتەوە”.
بەرهەم ساڵح لە تویتێكدا لە تۆڕی كۆمەڵایەتی تویتەر بڵاویكردووەتەوە، كارەساتەكەی نەخۆشخانەی ئیمام حسێن لە زیقار و پێشتریش نەخۆشخانەی ئیبن خەتیب لە بەغدا، ئەنجامی ئەو گەندەڵی و خراپ بەڕێوەبردنەیە، كە هەیە و رۆحی عێراقیەكان بە كەم سەیر دەكرێت و رێگری لە چاكسازی لە دامەزراوەكاندا دەكات.
رونیشیكردووەتەوە، لێكۆڵینەوە و لێپێچینەوە لەوانەی كەمتەرخەمییان هەیە پرسەی شەهیدەكانمان و كەسوكاریانە، پێویستە پێداچوونەوەی توند بە ئەدای دامەزراوەكاندا بكرێت و ژیانی هاوڵاتیان بپارێزرێت.
شەوی دووشەممە نەخۆشخانەی “ئیمام حسێن”ی تایبەت بە توشبووانی كۆرۆنا لە پارێزگای زیقار گڕی گرت و بەهۆیەوە دەیان كەس بوونە قوربانی، هەندێك سەرچاوە باس لە گیان لەدەستدانی زیاتر لە 60 كەس دەكەن، ئەوەش سەرەڕای دەیان بریندار.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .