نوێترین هەواڵ

داوا دەكرێت دوبارە هەڵسەنگاندن بۆ پرۆسەی سیاسی و دیموكراسی لە عێراقدا بكرێت

حازم خالیدی سەرۆكی لیژنەی چاودێری جێبەجێكردنی بەرنامەكانی حكومەت و پلانی ستراتیژی لە پەرلەمانی عێراق داوا دەكات، دوبارە هەڵسەنگاندن بۆ پرۆسەی سیاسی و دیموكراسی لە عێراقدا بكرێت.
حازم خالیدی بە رۆژنامەی سەباحی نیمچە فەرمی وتووە، دوای رووخانی رژێمی پێشوو چەندین دەستكەوت بەدەست هاتوون، بەڵام لە ئاستی پێویستدا نین، لە رووی دیموكراسییەوە یەك دەستكەوت هەبوو كە سەرەكی بوو ئەویش ئەنجامدانی هەڵبژاردن بوو، كە ئەوەش بەشێكی سادەی پرۆسەی دیموكراسییە.
ئاماژەی بەوەشداوە، لە رووی ئازادی رادەربڕینەوە شكست و سەرپێچی مادە سەرەكییەكانی دەستور هەیە و لەسەر حكومەت پێویستە پابەند بێت پێوەی، هەروەها لەسەر هێزە سیاسیەكان پێویستە دوبارە هەڵسەنگاندن بۆ خۆیان بكەن، ئەوەش سەرەڕای ئەدای حكومەت.
خالیدی رونیشیكردووەتەوە، پێویستە دەسەڵاتی یاسادانان كە پەرلەمانە هەڵسەنگاندن بۆ یاساكان و ئەدای پەرلەمان بكات، چونكە ئەوەی پێمان وایە تائێستا بەو شێوەیەی كە پێویست بێت بۆ پرۆسەی سیاسی بەدەست نەهاتووە.
ئەو پەرلەمانتارە پێشی وایە، یەكێك لە هۆكارەكان كە رێگرە لەبەردەم پرۆسەی سیاسی ناكۆكییە سیاسیەكانە، چونكە هەندێك لە رەمزە سیاسیەكان پێیان وایە كە دەبێت بەو شێوەیەی كە پێش 2003 وڵاتی پێ بەڕێوە براوە ئەویش وڵات بەڕێوە ببات، ئەلف و بێی دیموكراسی بریتییە لە ئازادی رادەربڕین و ئەوەی چەك كۆنترۆڵ كراو بێت، چۆن بڕوا بەوە بهێنین كە گۆڕان بەرەو دیموكراتی هەیە لەكاتێكدا چەك و پارە و پێگەی سیاسی بۆمەرامی تایبەتی بەكاربهێنرێت.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .