مەسرور بارزانی وەزیری تەندروستی بۆ پێشكەشكردنی هاوكاری بە بریندارانی زیقار رادەسپێرێت

سەرۆكی حكوومەتی هەرێمی كوردستان سەرەخۆشی لە كەسوكاری قوربانییانی ئاگركەوتنەوە لە نەخۆشخانەیەك لە پارێزگای زیقار دەكات و وەزیری تەندروستیش بۆ پێشكەشكردنی هاوكاری بۆ بریندارانی ڕووداوەكە ڕادەسپێرێت.
مەسرور بارزانی، سەرۆكی حكوومەتی هەرێمی كوردستان لە تویتێكدا هاوخەمیی خۆی بۆ خەڵكی زیقاڕ و تەواوی عێراق راگەیاند، بەهۆی بەهۆی ئاگركەوتنەوە لە نەخۆشخانەیەكی پارێزگاكە ،كە بە هۆیەوە دەیان كەس گیانیان لەدەستدا.
مەسرور بارزانی سەرەخۆشی لە كەسوكاری قوربانییان كردووە و رایگەیاندووە: ”وەزیری تەندروستیی هەرێمی كوردستانم راسپارد تاوەكوو هەموو هاوكارییەكی پێویست بۆ برینداران پێشكەش بكات“.
لای خۆشیەوە قوباد تاڵەبانی جێگری سەرۆكی حكومەتی هەرێم پەیامێكی لە بارەی رووداوەكەی زیقارەوە بڵاوكردەوە و تیایدا رایگەیاند، ئامادەیی تەواوی حكومەتی هەرێم بۆ پێشكەشكردنی هاوكاری تەندروستی رزگاربووان و چارەسەركردنیان دەردەبڕین، هەروەها لەگەڵ لایەنە پەیوەندیدارەكان لە وەزارەتی تەندروستی حكومەتی فیدڕاڵ لەسەر خەت دەبین بۆ پێشكەشكردنی هەر هاوكارییەكی تەندروستی پێویست بۆ شاری ناسرییە.

هەواڵی دواتر

نرخی بەرمیلێک نەوت گەیشتە 111 دۆلار و 43 سەنت

دوێنێ نرخی بەرمیلێک نەوت بۆ 112 دۆلار و 31 سەنت بەرزبووەوە و رۆژەکەی بە 111 دۆلار و 43 سەنت، تەواو …

وەڵامێک بنووسە

پۆستی ئەلکترۆنیکەت بڵاو ناکرێتەوە .