رێكخراوی تەندروستی جیهانی جەخت لەوە دەكاتەوە، نەوەی “لامبدا”ی ڤایرۆسی كۆرۆنا كە لە وڵاتی پیرۆ دەركەوت، تائێستا مەترسیدارترینە و زۆرینەی توشبووانی وڵاتە لاتینییەكان بەهۆی ئەو نەوەیەی ڤایرۆسەوە تووشبوون.
تەندروستی جیهانی بڵاویكردووەتەوە، نەوەی “لامبدا”ی كۆرۆنا لە نەوەكانی پێشوو مەترسیدارترە، توشبووانی چەند هەفتەی رابردوو لە وڵاتەكانی چیلی و ئەرجەنتین و ئەمریكای لاتین بە گشتی 70%ی ئەو نەوەیەن.
لامبدا بۆ یەكەمجار لە وڵاتی پیرۆ دەركەوت و لەئێستادا نەوەی باڵادەستە لە ئەمریكای لاتین، هەروەها ئەو نەوەیە لە ولایەتە یەكگرتووەكانی ئەمریكاش دەركەوتووە، بەڵام لەلایەكی ترەوە زانایان پێیان وایە پێویست بە زیادەڕەوی ناكات لە ترس لەو نەوەیە.
لای خۆیەوە “پابلۆ سۆكایاما “زانای زیندەوەرزانی كە یەكەم كەس بوو نەوەی “لامبدا”ی دیاری كرد باسی لەوەكردووە، ئەگەری نییە لامبدا لە نەوەكانی تر زۆر مەترسیدارتر بێت، ئەمریكای لاتینیش توانایەكی سنورداری هەیە بۆ بەدواداچون و چاودێری و لێكۆڵینەوە لەو نەوەیە.
بەپێی راپۆرتەكان، ڤاكسینەكانی “ڤایزەر، مۆدێرنا و كۆرۆنافاك”ی چینی هێزێكی كەمتریان هەیە بەرامبەر نەوەی لامبدا لەچاو ئەو هێزەی بەرامبەر نەوەكانی تر هەیانە.
