لە سلێمانی 800 تۆن گۆشتی سوور رەوانەی بازاڕ کراوە

لێپرسراوی هۆبەی کوشتارگەی هاوچەرخی سلێمانی، رایگەیاند: “له‌ رۆژانی پێش جه‌ژندا، زیاتر له‌ 800 تۆ‌ن گۆشتی سور ره‌وانه‌ی بازاڕه‌كانی سلێمانی كراوه‌ كه‌ 300 تۆ‌نی له‌ جه‌ژنی قوربانی ساڵی رابردو زیاتر بوه”‌.

شاڵاو عارف، لێپرسراوی هۆبەی کوشتارگەی هاوچەرخی سلێمانی، رایگه‌یاند: 341 تۆ‌ن گۆشتی ئاژەڵی بچوک و 478 تۆن گۆشتی ئاژەڵی گەورە رەوانەی بازاڕەکانی شاری سلێمانی کراوە کە لەڕوی تەندروستی و بەهای خۆراکییەوە شیاو بوە بۆ بەکارهێنان.
وتیشی”بڕی چوار تۆن و 850 کیلۆ گۆشتیش لەلایەن تیمی پزیشکی رەتکراوەتەوەو بە رێگەی زانستی لەناوبراوە کە لەڕوی تەندروستی و بەهای خۆراکییەوە شیاو نەبوە بۆ بەکارهێنان.”
رۆژی سێشه‌ممه 20ی ته‌مموزی 2021،‌ یه‌كه‌م رۆژی جه‌ژنی قوربانه‌ كه‌ ماوه‌ی چوار رۆژ به‌رده‌وام ده‌بێت و وەک نەریتێکی ئایینی لەو رۆژەدا مسوڵمانان ئاژەڵ دەکەنە قوربانی.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .