نرخی بەنزین لە شاری هەولێر دابەزی

نرخی بەنزین لە شاری هەولێر نزیكەی 100 دینار دابەزی و نەبەز عەبدولحەمید قائیمقامی هەولێریش جەختلەوەدەكاتەوە حكومەت هەوڵی ئەوە دەدات نرخەكە زیاتر دابەزێنێت.
نەبەز عەبدولحەمید رایگەیاندووە، نرخی بەنزین نزیكەی 100 دیناری عێراقی دابەزینی بەخۆیوە بینیوە و  لە سەرووی 750 دینارەوە هاتووەتە خوارەوە بۆ  660 دینار، هۆكاری دابەزینەكەش كەمكردنەوەی باجە لەسەر بەنزینی هاوردەكراو.
ئەمەش دوای ئەوەدێت، پێشتر ئەندامانی لیژنەی سامانە سروشتیەكانی پەرلەمان ئەوەیان ئاشكرا كرد، وەزارەتی سامانە سروشتیەكان بڕیاریداوە رێوشوێن بۆ دابەزاندنی نرخی بەنزین بگرێتە بەر، یەكێك لەو رێوشوێنانەش كەمكردنەوەی باجە لەسەر بەنزینی هاوردەكراو كە یەكێك بوو لە هۆكارەكانی گرانبوونی بەنزین.
لەماوەی رابردودا بەهۆی بەرزبوونەوەی نرخی نەوتی خاو لە جیهاندا و گرانبوونی سوتەمەنی لە بۆرسەی جیهاندا، هەروەها زیادكردنی باج لەسەر هاوردەكردن و نەبوونی پاڵپشتی لە بەرهەم لە پاڵاوتگە ناوخۆییەكانەوە نرخی بەنزین بەرزبوونەوەی بەرچاوی بەخۆیەوە بینی و ئەوەش شۆفێران و هاوڵاتیانی نیگەران كرد.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .