رێباز حەملان: بەغدا 180 ملیار دیناری داوە بە حكومەتی هەرێم نەك 200 ملیار

رێباز حەملان، یاریدەدەری سەرۆكی حكومەتی هەرێم بۆ كاروباری دارایی رایگەیاند، ئەو پارەیەی بەغدا وەك سلفە بۆ هەرێمی كوردستانی ناردوە 180 ملیار دینارە نەك 200 ملیار دینار. دەشڵێت: دوای جەژن بڕیار لە لابردن یان كەمكردنەوەی رێژەی لێبڕینی مووچە دەدرێت.
رێباز حەملان، یاریدەدەری سەرۆكی حكومەتی هەرێم بۆ كاروباری دارایی لە لێدوانێكدا رایگەیاند: “بەغدا 180 ملیار دیناری داوە بە حكومەتی هەرێم نەك 200 ملیار و ئەو 20 ملیارەیان گلداوەتەوە و داویانەتەوە بە قەرزی بانكی تی بی ئای.”
بەپێی وتەی یاریدەدەری سەرۆكی حكومەت، “دوای جەژن كۆبونەوەی ئەنجومەنی وەزیران دەكرێت و وەزارەتی دارایی سەرجەم داهاتەكان دەخاتەڕو، ئەگەر داهات گەیشتە 897 ملیار دینار لێبڕینی موچە نامێنێت و ئەگەر نەشكرا لێبڕین كەمدەكرێتەوە.
رێباز حەملان وتیشی:”چەندین موچەی نایاساییمان بەهۆی یاسای چاكسازییەوە بڕیوە، بەڵام ئێستاش لە ئاستی ویستی خۆماندا نییە.”
ئاماژەی بەوەشكرد،”سەرەڕای قەیرانەكان كابینەی نۆ توانیویەتی بەردەوامبێت لەسەر دابەشكردنی موچە و توانیومانە بەشێكی زۆری بەڵێنەكانمان جێبەجێكردوە.”

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .