كۆمەڵەیەكی نێودەوڵەتی: لە یەك ساڵدا زیاتر لە 11 ملیۆن نەشتەرگەری جوانكاری كراوە

بەپێی راپۆرتێكی كۆمەڵەی نێودەوڵەتی بۆ نەشتەرگەری جوانكاری تەنها لە ساڵی 2019 نزیكەی 11 ملیۆن و 360 هەزار نەشتەرگەری جوانكاری لە جیهاندا كراوە.
بەپێی راپۆرتەكە، نەشتەرگەرییەكانی جوانكاری لەساڵی 2019 زیادبوونێكی بەرچاویان بەخۆیانەوە بینیوە و لەچاو ساڵی پێشتریدا 7.1% زیادیان كردووە، هەروەها لە چاو ساڵی 2015 رێژەكە 20.6% زیانیان كردووە.
رونیشكراوەتەوە، لە 2019 نزیكەی 11 ملیۆن و 360 هەزار نەشتەرگەری جوانكاری كراوە و 13 ملیۆن و 600 هەزار نەشتەرگەری تر ئەنجام دراوە، سەبارەت بەو وڵاتانەی زۆرترین نەشتەرگەری جوانكارییان تێدا كراوە، بەڕازیل بە یەك ملیۆن و 490 هەزار لە پلەی یەكەمدا دێت و بەدوایدا ئەمریكا بە یەك ملیۆن و 350 هەزار.
هەر لە ریزبەندییەكەدا، مەكسیك بە زیاتر لە 580 هەزار نەشتەرگەریی و روسیا بە زیاتر لە 486 هەزار و هندستان بە نزیكەی 394 هەزار هەزار نەشتەرگەری دەبینرێن، دواتریش توركیا، ئەڵمانیا و ئیتاڵیا پلەكانی شەش تا هەشتیان گرتووە.
راپۆرتەكە باسی لەوەشكردووە، ئەو نەشتەرگەریە جوانكاریانەی زۆر باون بریتین لە گەورەكردنی مەمك، كە 1 ملیۆن و 800 هەزار نەشتەرگەری كراوە، بەدوایشیدا دەرهێنانی چەوری ورگ بە یەك ملیۆن و 700 هەزار نەشتەرگەری پێڵوی چاو بە یەك ملیۆن و 300 هەزار و توندكردنەوەی ورگ بە نزیكەی 821 هەزار نەشتەرگەری.
كۆمەڵەی نێودەوڵەتی بۆ نەشتەرگەری جوانكاری جەختیلەوەشكردووەتەوە، لەئێستادا سەرقاڵی ئامادە كردنی راپۆرتی ساڵی 2020ی تایبەت بە نەشتەرگەرییەكانن لە جیهاندا.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .