میدیای فەرمی یەكێتی لە بارەی گۆڕانكارییە ناوخۆییەكانی ئەو حزبەوە بڵاویكردەوە، ئەوەی روویداوە چاكسازییە و بە كەمترین زیانەوە لێی دەرچوون.
رۆژنامەی كوردستانی نوێی یەكێتی لە نوسینێكدا وەك ئاماژەیەك بە ناكۆكی و گۆڕانكارییەكانی رۆژانی رابردووی ئەو حزبە باسی لەوەكردووە، ئەوەی هەیە راستكردنەوەی رێڕەوە. رێڕەوی یەكێتی و رێڕەوی ئیدارە و حوكمڕانی لە سلێمانی و زۆنی سەوز و بەرپرسیارێتی یەكێتی لە تەواوی كوردستاندا.
هەر لەو وتارەدا ئەوە رەتكراوەتەوە، كە گۆڕانكارییەكان بە پیلانی هەرێمایەتی و دەستی دەرەكی بن و لەو بارەوە باس لەوەكراوە، ئەو جۆرە تۆمەتباركردنە بۆ ئەوەیە: ” دەستی سەوزی بچووكترین چاكسازی، گۆرانكاری یاسایی و ئاسایی بگرن و بیچەمێننەوە”.
جەختیش كراوەتەوە: “ئەمەی روویداوە و هی تریش كە روو دەدەن دەستی سپی چاكسازییە، دەستی سەوزی یەكێتییە بۆ ئاساییكردنەوەی ژیان و گوزەران و جووڵەی سیاسیی نۆرماڵ لە زۆنی سەوزدا”.
باس لەوەشكراوە، “وەك كوردستان و وەك یەكێتیش بە كەمترین تەقەللا و بە كەمترین ئازارێك، كە لە حوكمی نەبودایە، لێی دەرچووین و ئەم چاكسازیی و گۆڕانكاریێە راستەڕێی خۆی گرتۆتە بەر”.
