دەستەی وەبەرهێنان لە بارەی ئەو یەكە نیشتەجێبوونانەی تەملیك نەكراون بڕیارێكی راگەیاند

دەستەی وەبەرهێنانی هەرێمی كوردستان رایگەیاند، ئەو پرۆژە نیشتەجێبوونانەی تەملیك نەكراون، لەكاتی گۆڕینی گرێبەست و كڕین و فرۆشتنی یەكەكان لەلایەن هاوڵاتیانەوە نابێت پارە لەكەس وەربگیرێت، بەپێچەوانەوە رێكاری یاسایی بەرامبەرییان دەگیرێتەبەر.
محەمەد شوكری سەرۆكی دەستەی وەبەرهێنانی هەرێمی كوردستان لە نوسراوێكدا كە ئاراستەی بەڕێوەبەرایەتی گشتی وەبەرهێنانی پارێزگاكانی كردووە، ئاماژەی بەوەكردوە، وەبەرهێنەرانی پرۆژەكانی نیشتەجێبوون ئاگادار بكەنەوە كە ئەو پرۆژە نیشتەجێبوونانەی تەملیك نەكراون، لەكاتی گۆڕینی گرێبەست و كڕین و فرۆشتنی یەكەكان لەلایەن هاوڵاتیانەوە نابێت پارە لەكەس وەربگیرێت.
باسی لەوەشكردووە، ” پارەی پارێزەرانیش نابێت فەرز بكرێت لەسەریان، بەپێچەوانەوە رێكاری یاسایی بەرامبەر وەبەرهێنەرانی پرۆژەكانی نیشتەجێبوون دەگیرێتەبەر”.
لای خۆیەوە عەلی حەمە ساڵح، ئەندامی پەرلەمانی كوردستان رایگەیاندووە، لە زۆربەی پڕۆژەكانی نیشتەجێبوون لە هەرێمی كوردستان لە كاتی كڕین و فرۆشتن و گۆڕینی خاوەنداری لە كەسێكەوە بۆ كەسێكی تر لە زۆربەی پڕۆژەكاندا بڕە پارەیەك وەردەگیرێت، كە وەرگرتنی ئەو بڕە پارەیە نایاسایی و ناڕەوایە، بۆیە بەدواداچوونیان كردووە و پەیوەندییان بە دەستەی وەربەهێنانەوە كردووە ئەوانیش بڕیاری پێویستیان دەركردووە.

هەواڵی دواتر

نرخی بەرمیلێک نەوت گەیشتە 111 دۆلار و 43 سەنت

دوێنێ نرخی بەرمیلێک نەوت بۆ 112 دۆلار و 31 سەنت بەرزبووەوە و رۆژەکەی بە 111 دۆلار و 43 سەنت، تەواو …

وەڵامێک بنووسە

پۆستی ئەلکترۆنیکەت بڵاو ناکرێتەوە .