نوێترین هەواڵ

پارتی: كار بۆ بەدەستهێنانی كورسی زیاتر دەكەین

كاكەمین نەجاڕ ئەندامی مەكتەبی سیاسی پارتی دیموكراتی كوردستان دەڵێت، لە هەڵبژاردنی داهاتووی پەرلەمانی عێراقدا  كار بۆ ئەوە دەكەن كورسی زیاتر بەدەست بهێنن.
كاكەمین نەجاڕ بە ماڵپەڕی فەرمی حزبەكەی وتووە، پارتی لەسەر ئاستی باڵا ئامادەكاری بۆ پرۆسەی هەڵبژاردنی پێشوەختەی عێراق كردووە، لیژنەیەكی باڵا لە مەكتەبی سیاسی پێك هاتووە، لە هەر پارێزگایەكیش لیژنەیەك هەیە بۆ بەڕێوەبردنی پڕۆسەكە.
باسی لەوەشكردووە، بەپێی پێشبینیەكانیان پارتی ژمارەی كورسیەكانی ئێستای لە پەرلەمانی عێراق هەیە مسۆگەرە واتە كورسی خۆیان دەهێننەوە، بە گوێرەی ئامار و داتای بەردەست و ژمارەی ئەندامانیان كار بۆ كورسی زیاتر دەكەن.
هەرچی سەبارەت بە سیستمی هەڵبژاردنە وتویەتی، سیستمی ئێستای هەڵبژاردن لە بەرژەوەندی پارتە بچووكەكان نییە چونكە لەسەر ئاستی بازنەكان دەنگ دەدرێت، ئەوانەی دەنگیان وەك پێویست نییە، ناتوانن كورسی بە دەست بێنن.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .