نوێترین هەواڵ

دەست بە جێبەجێكردنی قۆناغێكی دیكەی شەقامی 150 مەتریی هەولێر دەكرێت

فەرمانگەی میدیا و زانیاریی حكوومەتی هەرێمی كوردستان، ئاماژە بەوە دەدات، دەست بە جێبەجێكردنی قۆناغێكی دیكەی شەقامی 150 مەتریی هەولێر دەكرێت.
لە ڕاگەیاندراوێكدا فەرمانگەی میدیا و زانیاری باسی لەوەكردووە: “بە مەبەستی تەواوكردنی شەقامی 150 مەتریی هەولێر، كە شەقامێكی بازنەیی گرنگی هەولێرە، مەسرور بارزانی، سەرۆكی حكوومەتی هەرێمی كوردستان، ڕەزامەندیی پیشان دا بە دەستپێكردن و تەواوكردنی بەشێكی دیكەی ئەو شەقامە كە شەقامی (هەولێر- كۆیە) تاوەكوو (هەولێر – شەقڵاوە) دەگرێتەوە، درێژییەكەی 7.2 كیلۆمەتر دەبێت، لەگەڵ دروستكردنی شەقامی خزمەتگوزاریی دوو ساید بەپێی یاسا و ڕێنوێنییەكان”.
ئەوەش خراوەتە ڕوو، تاوەكوو ئێستا بەشێكی شەقامی بازنەیی 150 مەتری كە لە شەقامی (هەولێر- بەحركە) تاوەكوو (هەولێر-شەقڵاوە)یە، تەواو بووە، تەواوبوونی ئەو شەقامە، بەشێكی زۆر لە قەرەباڵغیی شاری هەولێر كەم دەكاتەوە.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .