ئەحمەد مەسعود فەرماندەی هێزەكانی ویلایەتی پەنچشیر لە ئەفغانستان رایگەیاند، ئەگەر تاڵیبان بەنیازن دەسەڵات لەگەڵ هەمووان هاوبەش بكەن و دادپەروەر بن، ئەوا من لە سیاسەت كردن پاشگەز دەبمەوە.
ئەحمەد مەسعود لە گفتوگۆیەكدا لەگەڵ گۆڤاری “فۆڕن پۆلیسی” ئەمریكی باسی لەوەكردووە، ئەگەر تاڵیبان حكومەتێكی گشتگیر پێكبهێنێت و دادپەروەری ئەنجام بدەن و یەكسانی و ئازادی بدەنە هەمووان لە ئەفغانستان، ئەوا من پاشگەز دەبمەوە و لە سیاسەت دەكشێمەوە.
سەركردەكەی پەنچشیر جەختیشی كردوەتەوە، جگە لە پێكهێنانی حكومەتێكی گشتگیر و فرەڕەنگ سەرجەم بژاردەكانی دیكە رەتدەكەنەوە و بەرەنگاری تاڵیبان دەبنەوە.
ئەو فەرماندە ئەفغانییە بانگەشەی ئەوەش دەكات، زۆرێك لە وڵاتانی ناوچەكە لایەنگری تاڵیبانن، جەختی لەوەش كردووەتەوە كە هیچ هاوكارییەكی دارایی لە دەرەوە وەرنەگرتووە.
